‘EXCELLENCE AWARD IN ENVIRONMENTAL RESILIENCE’ IGINAWAD NG DOH SA MCMC
Raven Roy De Jesus
October 31, 2025
Malugod na ibinahagi ni Mandaluyong City Mayor Menchie Abalos ang balita na ang Mandaluyong City Medical Center (MCMC) ay pinarangalan ng ‘Excellence Award in Environmental Resilience’ ng Department of Health – Metro Manila Center for Health and Development (DOH-MMCHD).
Ang pagkilala ay iginawad ng DOH-MMCHD sa nakaraang 2025 Healthy Hospitals Awards kung saan tinitignan ang kakayahan ng mga pampublikong ospital na maging isang ‘green and healthy workplace.’ Ito ay sa pamamagitan ng pagpapatupad ng mga hakbang na may kaugnayan sa physical at mental na kalusugan tulad ng ‘Healthy Workplace Program’.
