GM LAYLO MULA MANDALUYONG, WAGI SA BATTLE OF THE GRANDMASTERS

Checkmate ang mga katunggali sa ipinakitang husay at estratehiya ni Chess Grandmaster Darwin Laylo, kinatawan ng Lungsod ng Mandaluyong, matapos niyang masungkit ang silver medal sa 2026 Philippine National Chess Championship: Battle of the Grandmasters, na ginanap mula Hunyo 24 hanggang Hulyo 2, 2026 sa Philippine Academy for Chess Excellence (PACE).

Nagpahayag naman ng taos-pusong pagbati at buong suporta sina Mandaluyong City Mayor Menchie Abalos , Vice Mayor Anthony Suva at Mandaluyong Sports Development Office Head Noel Bernardo sa panibagong tagumpay ni GM Laylo. Dahil sa kanyang natatanging pagganap, kabilang siya sa mga kakatawan sa Pilipinas sa 46th Chess Olympiad, na gaganapin mula Setyembre 15 hanggang 28, 2026 sa Silk Road International Exhibition Center sa Samarkand, Uzbekistan.