INAUGURAL BLESSING NG RESIDENTIAL HOUSES PARA SA MGA NAAPEKTUHAN NG SUNOG

Kasabay ng pagdiriwang ng kaarawan ni Mayor Menchie Abalos, isang makabuluhang handog ang ipinagkaloob ng Ciara Marie Abalos Foundation, sa pakikipagtulungan sa Pamahalaang Lungsod ng Mandaluyong, sa pamamagitan ng isinagawang residential houses para sa mga pamilyang naapektuhan ng sunog sa Barangay Barangka Itaas, na pinasinayaan sa pangunguna nina Mayor Menchie Abalos, Vice Mayor Anthony Suva at iba pang opisyal ng lungsod kahapon.

Patunay ang proyektong ito ng patuloy na malasakit ng Pamahalaang Lungsod sa bawat Mandaleño, sa pamamagitan ng pagbibigay ng ligtas at maayos na tahanan na magsisilbing pundasyon ng panibagong simula at mas matatag na kinabukasan para sa mga pamilyang benepisyaryo.