KABATAANG MANDALEÑO, KIKILALANIN ANG GAMPANIN NG MGA KONSEHAL SA MOCK SESSION

Tampok sa Lingguhang Programa ng Pamahalaang Lungsod ng Mandaluyong, sa pangunguna nina Mayor Menchie Abalos, Vice Mayor Anthony Suva, at mga Konsehal, ang mga Kabataang Mandaleño mula sa iba’t ibang paaralan sa lungsod na sasabak sa isang Mock Session ng Sangguniang Panlungsod bilang “mini me” ng Ika-13 Konseho.

Mararanasan ng mga mag-aaral ang gampanin ng Vice Mayor at mga konsehal at ang proseso ng lokal na lehislatura upang higit na maunawaan ang kahalagahan ng kanilang pakikilahok sa pamamahala. Ang aktibidad na ito ay bahagi pa rin ng paggunita sa Councilors Week 2026.