MANDALUYONG, OPISYAL NA TINANGGAP ANG RRPA MULA SA CHED

Opisyal na tinanggap nina Mandaluyong City Mayor Menchie Abalos at Vice Mayor Anthony Suva ang Report on the Result of the Preliminary Assessment (RRPA) mula sa Commission on Higher Education (CHED), na nagsisilbing assessment at batayan para sa pagbubukas ng mga bagong kurso ng Mandaluyong College of Science and Technology (MCST).

Kabilang sa mga bagong kurso ang:
• BS Special Needs Education
• Bachelor of Early Childhood Education
• BS Criminology

Ang naturang pag-apruba ay patunay ng suporta ng CHED at ng patuloy na pagsisikap ng Pamahalaang Lungsod ng Mandaluyong na palawakin at paghusayin ang oportunidad sa mas mataas na edukasyon para sa mga kabataang Mandaleño, tungo sa mas inklusibo at progresibong kinabukasan.