SELYO NG PAGIGING MAGKAPATID NG MANDALUYONG AT PADRE GARCIA

Opisyal na nilagdaan nina Mandaluyong City Mayor Menchie Abalos at Vice Mayor Anthony Suva, kasama sina Padre Garcia Municipal Mayor Celsa Rivera at Vice Mayor Micko Angelo Rivera, ang Sisterhood Agreement sa bisa ng Council Resolution No. 3676, s. 2025 ng Lungsod ng Mandaluyong at Council Resolution No. 90, s. 2025 ng Bayan ng Padre Garcia.

Layunin ng kasunduang ito ang higit pang pagpapatibay ng ugnayan ng dalawang lokal na pamahalaan at ang pagpapalakas ng antas ng serbisyong publiko.

Kasamang nagpatotoo sa nasabing kasunduan ang mga miyembro ng City at Municipal Councils, na isinagawa sa lingguhang programa ng Pamahalaang Lungsod ng Mandaluyong.