10 REFRIGERATED WATER FOUNTAIN, TINANGGAP NG MANDALUYONG

Bilang bahagi ng pagdiriwang ng ika-20 anibersaryo ng Manila Water Foundation, tinanggap ng Pamahalaang Lungsod ng Mandaluyong, sa pangunguna nina Mayor Ben Abalos at Vice Mayor Menchie Abalos, ang 10 Refrigerated Water Fountain na ilalagay sa ilang Barangay Health Centers, correctional facilities, at mga pampublikong paaralan.

Ang mga refrigerated water fountain ay magsisilbing mahalagang hakbang sa pagpapabuti ng kalusugan at kalinisan, na magpapalawak ng access sa malinis at malamig na inuming tubig para sa mga Mandaleño, lalo na sa mga residente at estudyante sa mga nabanggit na lugar.