82 MEDALYA, INUWI NG MGA ATLETANG MANDALEÑO

Buong dangal na itinampok sa lingguhang programa ng Pamahalaang Lungsod ng Mandaluyong na pinangungunahan nina Mayor Ben Abalos at Vice Mayor Menchie Abalos, ang mga atletang Mandaleño na nagkamit ng 82 medalya (26 Gold, 32 Silver at 24 Bronze) sa katatapos lamang na Batang Pinoy National Finals 2024 sa Puerto Princesa, Palawan.

Dahil sa galing at husay na ipinamalas ng mga atletang Mandaleño, nasungkit ng Mandaluyong ang ika-10 puwesto at nasaksihan ng iba pang 144 na kalabang lungsod at munisipalidad sa buong bansa ang mala-sagitsit na puwersa ng tigre ng Mandaluyong sa larangan ng isports.