MANDALUYONG AT BACUAG LGUS LUMAGDA SA SISTERHOOD AGREEMENT

Ang Pamahalaang Lungsod ng Mandaluyong at ang Bayan ng Bacuag, sa lalawigan ng Surigao del Norte, ay lumagda sa isang sisterhood agreement.

Naganap ang paglalagda sa City Hall Executive building at ito ay pinamunuan nina Mandaluyong City Vice Mayor Menchie Abalos, na kumatawan kay Mayor Ben Abalos, at Municipality of Bacuag Mayor Felicisimo Cebedo.

Kasama sa nasabing paglagda ng sisterhood agreement ay ang mga konsehal ng Sangguniang Panlungsod ng Mandaluyong, Bacuag Vice Mayor Sheila Mae Cebedo, ang Sangguniang Bayan, at mga department heads ng munisipyo.

Sa sisterhood agreement ay binibigyan ang dalawang lokal na pamahalaan na magkaroon ng malayang kalakalan, palitan ng impormasyon, teknolohiya, kultura, at iba pang aspeto sa pamamahala.