MANDALUYONG LGU HUMAKOT NG PARANGAL SA RNAC 2024

Ang Lungsod ng Mandaluyong ay pinarangalan ng Certificate of Quality Nutrition Program mula sa National Nutrition Council-National Capital Region (NNC-NCR) na iginawad sa 2024 Regional Nutrition Awarding Ceremony.

Ang parangal ay nakamit ng lungsod bilang isang Nutrition Honor Awardee na naipamalas ang overall nutrition standard at satisfactory nutrition program management noong nakaraang taon.

Ginawad din sa Lungsod ng Mandaluyong ang Best LGU in Nutrition Investment, Most Improved LGU in the Implementation of Nutrition in Emergencies (NIE) Program, at Most Improved LGU in the Implementation of Philippine Integrated Management of Acute Malnutrition Program (PIMAM) – tatlong parangal na kumikilala sa maayos na pagpopondo at matagumpay na pagpapatupad ng mga nutrition programs ng pamahalaang lungsod.

Kinilala naman sina City Nutrition Action Officer (CNAO) Dr. Pecos R.I. Camarines bilang 2023 Regional Outstanding Nutrition Action Officer,  City Nutrition Program Coordinator (CNPC) Teresa Delos Reyes bilang 2023 Outstanding CNPC, at si Barangay Nutrition Scholar Mary Ann Morada bilang 2023 Regional Outstanding BNS Contender.