MANDALUYONG, NAKIBAHAGI SA FIRE PREVENTION MONTH

Masiglang sinimulan ng Pamahalaang Lungsod ng Mandaluyong, sa pangunguna nina Mayor Ben Abalos at Vice Mayor Menchie Abalos, katuwang ang Bureau of Fire Protection (BFP)-Mandaluyong, sa pamamagitan ng isang mainit na pagsasayaw ang pagdiriwang ng Fire Prevention Month na may temang “Sa pag-iwas sa sunog, hindi ka nag-iisa.”

Ipinagmalaki rin ni City Fire Director SUPT Nazrudyn Cablayan ang pitong parangal na natanggap ng BFP-Mandaluyong sa katatapos lamang na Annual District Level Command Conference Meeting (District 4.

Ang mga natanggap na pagkilala ay mga sumusunod:

– Best Performing Station

– Best Practice in Profiling

– Most Inspection Conducted

– Most Improved Inspection

– Most Percentage Inspection

– Most Improved Collection

– Highest Fire Code Fees Collection in 2024

Ang mga tagumpay na ito ay patunay sa dedikasyon ng BFP-Mandaluyong sa pagpapanatili ng kaayusan at kahandaan ng lungsod—hindi lamang sa pagsugpo ng sunog kundi pati sa pag-iwas dito. Patuloy ang panawagan sa lahat ng Mandaleño na maging mapagmatyag at responsable upang maiwasan ang sakuna.